«Ертіс» Александр Мокинді қатарға қосу ойынан айнып қалды

Павлодарлық «Ертіс» футбол клубы Александр Мокинмен жақында жасасқан еңбек келісімі жойылғандығы жайлы мәлімдейді. Оған футболшының отбасылық себептері негіз болды.

Сонымен қатар «Ертіс» мен Уго Секу арасындағы келісім-шарт тоқтатылды. Екі тарап дәл осындай, өзара келісілген шешімге келді. Португалиялық жартылай қорғаушы өткен маусымда біздің команда сапында 13 матч өткізіп, гол соққан еді.

Павлодарлық клуб А.Мокин және У.Секуға жаңа белестерді бағындыруға сәттілік тіледі.