Головкин мен «Канелоның» үшінші жекпе-жегі қашан өтеді

ESPN телеарнасының тілшісі Давид Файтельсон Сауль Альварес пен Геннадий Головкиннің үшінші жекпе-жегі жөнінде пікір білдірді, деп хабарлайды Prosports.kz сайты ҚазАқпаратқа сілтеме жасап.

«Менің пайымдауымша, «Канело» Головкин тағы біраз қартайып, бойынан күш кеткенше күте тұрады. Дэниэл Джейкобс та, Джермалл Чарло да емес... «Канело» қалайда Головкинмен үшінші рет айқасуға тиіс», - деп жазды Файтельсон твиттерде.

Еске сала кетейік, Головкин мен Альварес осыған дейін екі рет жекпе-жек өткізді. Алғашқы кездесу 2017 жылдың қыркүйегінде өтіп, онда екеуі даулы жағдайда тең түсті («Канело» есебінде 118-110 ұпай, Головкин есебінде - 114-114, 115-113 ұпай), ал рематчта Альварес жеңіске жетті.