Аршавин: «Қайраттың» президентіне менімен келісімшартты ұзартпауға кеңес бердім

Ресей құрамасы мен алматылық «Қайраттың» бұрынғы ойыншысы Андрей Аршавин мансабын аяқтау туралы шешімді қалай қабылдағанын айтты. Бұл туралы Sputnik Қазақстан жазды.

Спортшы футболдан кетуді көптен бері ойлап жүрген екен.

«Англиядан кетерде, футболды тастау туралы ойладым. Бұл ой мені «Зенит», кейін «Кубань» үшін ойнаған кезде де мазалады. Ерте ме, кеш пе, мансабымды аяқтайтынымды түсіндім. Бірақ көбі мүмкіндігің болып тұрғанда, ойна деп кеңес берді», — дейді Аршавин.

Ол жазда «Қайрат» президентімен кездесіп, клубтың болашағын талқылағанын атап өтті.

«Мен оған сенің орныңда болсам, менімен келісімшартты ұзартпас едім дедім. Ол менің сөзіме құлақ асқан сияқты», — деді ойыншы matchtv.ru берген сұқбатында.