«Астанаға» екі гол соққан шабуылшы аптаның үздігі атанды

«Ренн» клубының шабуылшысы Исмаил Сарр Еуропа лигасының осы аптадағы үздік ойыншысы атанды, деп хабарлайды Prosports.kz сайты.

Сарр жанкүйерлердің ең көп даусын жинаған. Еуропа лигасының 6-шы турында «Ренн» клубының шабуылшысы елордалық «Астананың» қақпасына екі гол соқты. Қос голдың арқасында франциялық команда K тобында «Астананы» артқа тастап, екінші орын алды.