Бокс

Оскар де ла Хойя боксшы Сауль Альварестің психикасына алаңдады

Оскар де ла Хойя боксшы Сауль Альварестің психикасына алаңдады
news-banner7
mobile-news-top

Golden Boy Promotions басшысы Оскар де ла Хойя карьерасында Геннадий Головкин секілді боксшыны жеңіп, орта салмақтағы әлем чемпионының екі белбеуін иеленген Сауль Альварестің психологиялық жай-күйіне алаңдаулы екенін жеткізді. Бұл туралы Sputnik Қазақстан жазды.

Оскардың айтуынша, Сауль бұдан кейінгі жекпе-жектерге барын салып дайындалмауы мүмкін. Жалпы де ла Хойя өзін «Канело» әрдайым жеңіске ұмтылатын боксшы деп тынышталдырып отыр.

«Кейде сен жеңіске жететініңді немесе адамдардың сенен не күтетінін білесің. Осы сәтте психикаңда түрлі өзгеріс болады. «Жүгіріп қайту үшін сағат 7:00-де емес, 6-да оянайын. Спаррингте 12 емес, 10 раунд өткізейін» деген секілді ойлайсың. Әйтеуір, бойыңда бір нәрсе өзгереді. Сауль қазір өміріндегі мықты формалардың бірін ұстап тұр деген үміттемін. Сондай-ақ, ол екінші орташа салмақ дәрежесіне өтіп жұдырықтасады. Не болатынын көрейік», — деді де ла Хойя.

Бұдан өзге ол «Канелоның» тарихта өз атын қалдырғысы келетінін айтып өтті. Рокки Филдингті жеңген жағдайда екінші орташа салмақ дәрежесінде тұрақтап, көптеген мықты боксшылармен жұдырықтасуы мүмкін.

«Бірақ промоутер ретінде оның орташа салмақ дәрежесінде жұдырықтасқанын қалаймын. Сол кезде ғана өзімді жайлы сезінемін», — деді Оскар.

Жуырда Сауль Альварес мәлімдеме жасап, келесі жылы мамыр және қыркүйек айында жекпе-жек өткізетінін және қарсыласы Головкин болуы әбден мүмкін екенін айтқан-ды.

Ошибка в тексте? Выделите и нажмите Ctrl+Enter
Пікірлер