МакГрегор сегізбұрышқа оралады

Ирландиялық спорты Конор МакГрегор сегізбұрышқа оралатынын мәлімдеді, деп хабарлайды Prosports.kz сайты.

Бұл туралы екі салмақта UFC-дің бұрынғы чемпионы инстаграм желісіндегі парақшасында мәлімдеді.

«Осыдан тура үш жыл бұрын жартылай жеңіл салмақта чемпион атанған едім. Бұл жекпе-жектегі соңғы соққыларымды «Табытқа соққан шегелер» деп атадым. 2019 жылы көріскенше», - деп жазды спортшы.

Айта кетейік, Конор МакГрегор соңғы жекпе-жегінде ресейлік Хабиб Нурмагомедовке есе жіберген болатын.