Месси 15 миллион долларға ұшақ сатып алды

«Барселонаның» капитаны Лионель Месси 15 миллион АҚШ доллары тұратын ұшақты сатып алды, деп хабарлайды Prosports.kz сайты.

Аргентиналық футболшы Gulfstream Aerospace компаниясының екі моторлы реактивті Gulfstream V бизнес деңгейдегі ұшақтың иесі болды. Әуе кемесі 16 жолаушыға арналған. Ішінде 8 кереуетке айналатын 16 орын, екі ас бөлмесі, екі дәретханасы мен жуыну бөлмесі бар.

Ұшақтың сыртында 10 нөмірі жазылған және баспалдақтарында Мессидің отбасы мүшелерінің есімдері жазылған.