«Барыс» сырт айдында «Амурға» есе жіберді

Құрлықтық хоккей лигасында астаналық «Барыс» сырт айдында хабаровскілік «Амурдан» жеңіліп қалды.

Матч есебін астаналықтар ашқан. 4-минутта Кертис Волк қырағылық танытты. Алайда үзіліске дейін «Амур» есепті теңестіріп тастады. Ал екінші кезеңде командалар таблодағы көрсеткішті өзгерте алмады.

Үшінші кезеңде айдын иелері бір шайба салып, жеңісті жұлып әкетті.

Енді 12 желтоқсанда «Барыс» Қытайда «Куньлунь РС» командасымен кездеседі.

«Амур» (Хабаровск, Ресей) — «Барыс» (Астана, Қазақстан) 2:1 (1:1, 0:0, 1:0)

Шайбалар:
0:1 — 03:33 Волк (Шевченко).
1:1 — 14:04 Руденков (Железков, Зогорна).
2:1 — 57:54 Зогорна (Атюшов).