Мбаппе: Мессиден озып кетемін дегенім өтірік

ПСЖ шабуылшысы Килиан Мбаппе бірнеше маусымнан соң «Барселонаның» көшбасшысы Лионель Мессиден озып кетемін деп айтпаған. Бұл туралы Мбаппенің өзі мәлім етті.

«Месси ғажайып ойыншы, бірақ, меніңше, егер көп жұмыс істесем, үш-төрт маусымнан соң одан озып кетемін», - деген Мбаппенің сөзі БАҚ беттеріне жарияланған болатын.

«Мен ешқашан мұндайды айтқан жоқпын. Мен Мессиді толығымен құрметтеймін», - деп жазды француз футболшысы твиттерде.