Малик Мане: «Габаладан» ұсыныс алғаным рас

Осы маусымда қазақстандық «Ақжайық» сапында ойнаған сенегалдық Малик Мане Әзірбайжан чемпионатына ауысу мүмкіндігі жайында айтты.

«Иә, «Габаладан» ұсыныс алдым. Қазір менің менеджеріммен келіссөздер жүріп жатыр. Жақын арада бәрі белгілі болады. «Габалада» ойнау мен үшін қызық. Бәрі жақсы болып, осы командаға ауысамын деп үміттенемін», - деді Мане azerisport.com-ға берген сұқбатында.

Айта кетейік, шабуылшы өткен маусымда «Ақжайық» сапында 9 гол соққан болатын.