«Қайрат» «Ақтөбеден» басым түсті

Қазақстан чемпионаты аясында «Қайрат» өз алаңында «Ақтөбе» командасын қабылдады, деп жазады Prosports.kz сайты.

Кака мен Олег Солодовниктің командалары биыл екі мәрте жолыққан. Суперкубок үшін өткен ойында алматылық команда 4:0 есебімен жеңісе, Қазақстан Кубогы жолында 2:1 есебімен басым түскен.

Бүгінгі ойын да тартысқа толы болды. Қонақтар екі мәрте есепте алда болған. Алайда «Қайраттың» ойыншылары екі рет те таразы басын теңестіріп, тіпті, ойын соңында жеңісті жұлып алды.