«Алтын допқа» байланысты тағы бір дау шықты

Франция астанасы Парижде «Алтын доп» жүлдесін табыстау рәсімі өтіп, аладоп әлеміндегі бас бәйгені 33 жастағы хорватиялық Лука Модрич алған еді, деп жазады prosports.kz.

Жыл үздігін әлемдегі 176 елдің спорт журналистері дауыс беру арқылы анықтаған болатын. Біз осының алдында қай елдің журналисі қай ойыншыға дауыс бергенін жазған едік.

Аталған тізімде Комор аралдары атынан "Albalad Comores" деген газеттің тілшісі Abdou Boina дауыс бергені жазылған еді. Алайда ақпарат құралдарында жазылуынша, бұл басылым алты жыл бұрын жабылып қалған екен. Тіпті Abdou Boina деген тілші мүлде жоқ көрінеді.