Уайт: Конор Порьемен, Хабиб Фергюсонмен кездеседі

UFC Президенті Дана Уайт Конор Макгрегор, Тони Фергюсон, Дастин Порье және Хабиб Нурмагомедов басын біріктіріп, шағын турнир өткізбекші, деп хабарлайды Prosports.kz

«Конор Макгрегор мен Дональд Серроне кездесуі болмайды. Ирландиялық Дастин Порьемен жекпе-жек өткізуі керек. Тони Фергюсон Хабиб Нурмагомедовпен кездеседі. Осылайша, екі жекпе-жектің жеңімпаздары бір-бірімен шығады.

Қазіргі таңда ең басты мәселе — Хабиб пен Конордың октогонға қашан оралатынында. Алдымен екеуіне Невада комиссиясының шешімі шықсын. Хабиб Нурмагомедовті бір жылдан артық спорттан шеттетпейді деген ойдамын», — дейді Дана Уайт.