Мадияр Әшкеев пен Мейірім Нұрсұлтановтың қарсыластары белгілі болды

Қазақстандық боксшылар Мадияр Әшкеев (10-0, 6 КО) пен Мейірім Нұрсұлтанов (9-0, 7 КО) келесі жекпе-жегін қаңтар айында өткізеді, деп хабарлайды Prosports.kz сайты.

11 қаңтар күні АҚШ-тың Санта-Инес қаласында өтетін бокс кешінде Мадияр Әшкеев 32 жастағы Луис Эрнандеспен (16-6, 9 КО) жұдырықтасады.

Ал Мейірім Нұрсұлтанов ганалық Эрнесто Амазу (24-4, 22 КО) есімді боксшымен жекпе-жек өткізеді. Екі кездесу де 8 раундқа жоспарланған.