Аршавин «Қайрат» клубына қайтып ораулы мүмкін

«Қайрат» футбол клубы Андрей Аршавинге клубтық академияға бапкер болып келуді ұсынуға дайын. Бұл туралы қазақстандық клубтың бақылау кеңесінің төрағасы Қайрат Боранбаев мәлімдеді.

«Егер оған ешқандай ұсыныс түспесе, Қазақстанда әрдайым күтетінімізді айтып, келістік. Академияда бапкер жұмысын ұсынамыз», – дейді Қайрат Боранбаев.

Еске сала кетсек, бұған дейін Аршавиннің «Қайрат» клубынан кететіні мәлімденген еді. Футболшы 11 қарашада «Қайраттың» сапында соңғы рет ойын көрсетті. Ойын барысында Аршавинді шығарып салу рәсімі өтті.