Велотректен Берлинде өтетін әлем кубогіне Қазақстаннан қатысатындар белгілі

Бүгін, 29 қараша күні велотректен әлем кубогінің үшінші кезеңі басталады деп хабарлайды Olympic.kz.

Ірі спорттық бәсекені Германияның Берлин қаласы қабылдауда. Аталған сынға Қазақстан құрама командасы да қатысады.

Ұлттық құраманың бапкерлер кеңесі әлем кубогіне қатысатын спортшылар тізімін атады.

Берлинде Артем Захаров, Павел Воржев, Роман Василенков, Асылхан Тұрар және Әлішер Жұмақан сынға түседі.

Еске сала кетейік, әлем кубогінің алғашқы кезеңінде Павел Воржес жетінші орыннан көрінді.