Пиззелли «Ақтөбе» жалғасты доп тебуі мүмкін
Қазақстанның және әлемнің спорт жаңалықтарына жазылыңыз«Ақтөбенің» армениялық жартылай қорғаушысы Маркос Пиззеллидің агенті Тигран Мкртчян футболшының хал-жағдайы мен болашағы жайлы пікір білдірді, деп жазады клубтың баспасөз қызметі.
- Маркостың жағдайы қазір тәуір. Бразилияның Сан-Паулу қаласында желтоқсанның ортасында өтетін отаға дайындалып жатыр. Ота жасалатын уақытты дәрігерлер жақында айтады. Қазіргі уақытта «Ақтөбе» футбол клубының басшылығымен ойыншының әрі қарайғы болашағы жайлы келіссөз жүргізіп жатырмыз. Осыған да көп нәрсе байланысты. Маркос ақтөбелік клубтың сапында ойнай беруге дайын. Бұл екі жақтың да көңілінен шығады деген ойдамын.
