«Барыс» Шығыс конференциясында көш бастады

Астаналық «Барыс» Құрлықтық хоккей лигасы Шығыс конференциясында көш бастады.

Турнир кестесінің бұрынғы көш басшысы магнитогорскілік «Металлург» клубы «Салават Юлаевтан» буллит сериясында ұтылып қалғаннан кейін, оның орнын «Барыс» басты.
 
Қазіргі уақытта «Металлургтың» еншісінде 44 ойында 88 ұпай бар. Дәл осындай көрсеткішке «Барыс» хоккейшілері де жетіп отыр. Алайда қазақстандық команданың қосымша көрсеткіштер бойынша магнитогорскілік ұжымнан асып тұр.

Еске сала кетейік, бұның алдында «Барыс» өз айдынында 4:2 есебімен мәскеулік «Спартакты» жеңген болатын.