«Астана» - бес дүркін Қазақстан чемпионы
Премьер-Лига ойындарының 31-ші туры аясында алматылық «Қайрат» өз алаңында павлодарлық «Ертіске» жеңіліп қалды.
Осылайша, «Астана» командасы чемпионаттың аяқталуына 4 ойын қалғанда уақытынан бұрын чемпион атанды.
«Астана» Премьер-Лиганың алтын жүлдесін бес рет қатарынан жеңіп алып, еліміздегі жаңа рекорд орнатты. Осыған дейін ешқандай команда бес рет қатарынан ел чемпионатында жеңіске жетпеген.
Оған қоса, елорда командасы ел чемпионатын жеңген титулдар саны бойынша «Ақтөбе» мен «Ертісті» қуып жетті.
