Хабибтің Даниске шабуыл жасауына қандай сөз себеп болды

Хабиб Нурмагомедовтің Конор Макгрегормен болған шайқастан кейін ирландық джиу-джитсу шебері Диллон Даниске шабуыл жасаған болатын.

TMZ порталының хабарлауынша, Данис жекпе-жекте Хабибті «қарғыс атқан мұсылман тышқаны» деп келеке қылған. Бұл туралы Дилланның қасында отырған көрермен айтты.

Куәгердің айтуынша, Хабибтің октогоннан секіріп, Даниске шабуыл жасауына осы сөз себеп болған.

Спортшының бұл қылығы үшін UFC басшысы ресейлік файтерді чемпиондық белбеуінен айырмады. Алайда, Нурмагомедов 250 000 доллар көлемінде айыппұл төлейді және жекпе-жектен 6 айға шеттетілді.