Ақтөбеде жаңа мұз айдыны ашылды
Қазақстанның және әлемнің спорт жаңалықтарына жазылыңызӨңірде соңғы рет мұз айдынында кәсіби деңгейдегі ойындар осыдан 28 жыл бұрын өткен екен.
Ширек ғасырдан астам уақыт өте шаһарда жаңа мұз айдыны ашылды. Жергілікті команда жарыс жолын республикалық жастар хоккей лигасында бастады. Алғашқы ойын петропавлдық «Құлагер» командасына қарсы өтті. Жаңадан ашылған спорт нысаны мемлекеттік және жекеменшік әріптестігі аясында салынған. Жоба құны – 3 миллиард 7 миллион теңге. Оның 70 пайызын словакиялық компания қаржыландырған. Мұз кешенінің жалпы ауданы – 8 жарым мың шаршы метр. Бұл ғимаратта спорттың қысқы түрлерінен бөлек шағын футбол, волейбол, баскетбол сияқты ойындардан халықтаралық дәрежедегі сайыстарды өткізуге мүмкіндік бар.
