Меркель «Уотфордқа» ауысты

Итальяндық «Удинезе» футбол клубының жартылай қорғаушысы Александр Меркель мансабын Англияда жалғастырады, деп хабарлайды La Gazzetta dello Sport.

21-жасар алматының тумасы «Чемпионшиптің» (Ағылшын екінші лигасы) «Уотфорд» командасына ауысты.

«Уотфордқа» қосылғаныма қуаныштымын», - деп жазды Меркель «твиттердегі» ресми парақшасында.

Естеріңізге сала кетсек, Меркель 2013-ші жылы «Дженоадан» «Удинезеге» ауысқан болатын. Оның алдында неміс азаматтығы бар футболшы «Миланда» ойнаған еді. Биылғы маусымда Меркель Италия чемпионатында бес кездесуге қатысты.