Ник Диас: Конор да, Хабиб те - қуыс кеуде, қолдарынан түк келмейді

UFC файтері Ник Диас Хабиб Нурмагамбедов пен Конор Макгрегор арасындағы өтетін жекпе-жек туралы пікірімен бөлісті, деп хабарлайды Prosports.kz

Диастың айтуынша, екі спортшы да ұйымның чемпионы атағына лайық емес.

«Енді маған лайықты қарсылас жоқ, олардың бірде-біреуі маған лайық емес! Конор - Хабиб жекпе-жегінде кім жеңеді? Менімен шықсыншы! Мен олардың екеуін де оп-оңай сұлатып салам. Олардың екеуі де - қуыс кеуде, қолдарынан түк келмейді», - деп жазады Диастың сөзін TMZ порталы.

Еске салайық, Нурмагомедов пен МакГрегор арасындағы жекпе-жек 6 қазан күні Лас-Вегаста (Невада) өтетін UFC 229 турнирі аясында өтеді.