«Астана» - «Ренн» кездесуінің билеттері сатылымға шықты

Ойынның ең арзан билетінің құны – 1500 теңге, бұл 5-ші санат (бұрыштық секторларда орналасқан)

Қақпа артындағы билет құны – 2 000 теңге (4-ші санат).

3-ші санаттағы билет құны – 3 000 теңге, 2-ші санат – 5 000 теңге және ең үздік орындарға билеттер – 7 500 теңге (1-ші санат).

«Астана» Еуропа Лигасы топтық кезеңінің алғашқы ойынында, Украинаның үздік клубтарының бірі киевтік «Динамоға» қарсы өткізген кездесуде маңызды ұпайға қол жеткізе алды. Осы ойыннан кейін, «Астана» - «Ренн» (Франция) арасындағы екінші тур ойынына қызығушылық артып тұр. Ең жоғары еуропалық деңгейдегі футболға – ең жақсы орындарды сатып алуға асығыңыз!

Еске сала кетейік, УЕФА Еуропа Лигасы топтық кезеңінің екінші туры аясындағы «Астана» - «Ренн» (Франция) арасындағы матч 4 қазан, бейсенбі күнге жоспарланған. Ойын еліміздегі ең үздік «Астана Арена» стадионында өтеді. Ойынның басталуы 20:50-де.