Қазақстандық волейболшы қыз сұлулығымен тамсандырды

Қазақстандық волейболшы Кристина Карапетян Индонезияда өткен Азиада ойындарында сұлулығымен әрі сүйкімді күлкісімен көрермендердің жүрегін жаулады.

Ендігі Карапетян «Ең сүйкімді спортшы» атағының жаңа иесіне айналған тәрізді. Бұған дейін бұл атақ қазақстандық волейболшы Сәбина Алтынбековаға тиесілі болған еді.

«Азиада ойындарында Сәбина Алтынбекова болмағаны үшін жанкүйерлердің көңіл-күйі түскен жоқ. Кристина Карапетянның сұлулығы кем түспейді», – делінеді индонезиялық басылымда.

Айта кетсек, қазақстандық волейболшы Сәбина Алтынбекова 2014 жылы жасөспірімдер арасындағы волейбол бойынша Азия чемпионатынан кейін желіде жұлдызға айналған еді. Оның суреттері мен видеолары Қытай, Жапония және Тайваньда тарап кетіп, көпшілікті сұлулығымен тамсандырды. Олар Сәбинаны жапониялық анимелердің кейіпкерлеріне ұқсатты.