«Шымбулақ» қонақтарды күтеді

«Шымбулақта» шаңғымен сырғанау маусымы ресми түрде ашылды. Алматы шаһары мен барша қонақтар үшін ерекше сәт бұл.

 Сүйікті демалыс орнына айналған Алатау баурайын бетке алған әуесқой спортшылардың қарасы көп. Жыл сайын туристерің саны артып келеді. Тұтынушылардың сұранысына лайық қызмет көрсетуді мақсат еткен «Шымбулақ» шатқалының басшылары жаңа технологияларды қолдана отырып демалыс орнын ыңғайлы етуде.

Курорттың тау-шаңғы жолдарын биыл Халықаралық Шаңғымен сырғанау Федерациясының өкілдері бақылап (FIS) оң бағасын берді. Жаңа сырғанау жолдары кәсіпқой және әуесқой спортшылардың көңлінен шықты. Сондай-ақ, биыл сноубордты серік еткен жандар үшін арнайы мектеп ашылды.