Алмат Кебіспаев Азиаданың алтынын уысынан шығарып алды

67 келі салмақта Азия ойындарының финалында белдескен Алмат Кебіспаев күміс жүлдегер атанды.

Кебіспаев финалда Оңтүстік Корея өкілі Хансю Рюдан бір ұпай айырмашылығымен жеңілді. Есеп - 5:4.

Алмат Кебіспаев финалға дейін қарсыластарын айқын басымдықпен жеңген болатын. Өкінішке қарай, ақтық сында біздің балуанға аздаған сәттілік жетіспей қалды.

Бүгін кілемге шыққан 60 келідегі Мейрамбек Айнағұлов үздік үштікті тұйықтады. 76 келіде бақ сынаған Эльмира Сыздықова да қола жүлдегер қатарында.