Головкин мен Альварес ашық жаттығу өткізеді

Мексикалық боксшы Сауль Альварестің промоутері Оскар де ла Хойя боксшылардың қашан және қайда ашық жаттығу өткізетінін айтты.

Головкин мен Канело 26 тамыз күні Лос-Анджелес қаласындағы (Калифорния штаты, АҚШ) Banc of California стадионында журналистер мен жанкүйерлер үшін ашық жаттығу жиынын өткізеді.

Естеріңізге сала кетейік, Геннадий Головкин мен Сауль Альварестің арасындағы қарымта жекпе-жек 15 қыркүйек күніне жоспарланған.