Жерар Пике ұлттық құрамадағы мансабын аяқтады
Орталық қорғаушы Жерар Пике Испания Ұлттық құрамасындағы мансабын аяқтағаны туралы мәлімдеді.
- Бір апта бұрын мен Луис Энрикемен сөйлесіп, ұлттық құрамадан кететінімді айттым. Испания құрамасымен көптеген ірі жарыстарда жеңіске жеттім. Ал қазір бар назарымды «Барселонаға» аударғым келеді- деді Пике.
31 жастағы қорғаушы Ұлттық құрама сапындағы соңғы ойынын Ресейдегі Әлем чемпионатының 1/8 финалы аясында өткізген. 2009 жылдан бері Жерар Пике ұлттық құрама үшін 102 матч өткізіп, бес гол соққан.
