Волейболдан Азия кубогі: Қазақстан Жапониядан басым түсті

9 тамыз күні волейболдан Азия Кубогінде Қазақстан волейболшылары Жапониядан басым түсті.

Бұл жапондықтар үшін турнирдегі екінші кездесу болатын. Алғашқы матчта олар Оңтүстік Корея құрамасымен ойнап, бес сетке созылған ауыр матчта жеңіліс тапқан еді.

Екінші ойында Қазақстанмен ойнаған күншығыс елінің өкілдері төрт сет қорытындысы бойыншы ұтылып қалды. Бұл қазақстандық команданың алғашқы жеңісі.

Қазақстан – Жапония 3-1 (25-22, 25-23, 21-25, 25-13)

Бүгін біздің команда Оңтүстік Корея құрамасымен кездеседі.