Грэпплинг пен ги грэпплингінен алғашқы Әлем кубогі Астанада өтеді
Әр түрлі елдерден келетін балуандар іріктеуден өтпей-ақ халықаралық Asia Open турниріне қатыса алады, деп хабарлады елорда әкімдігінің ресми сайты Қазақстанның грэпплинг ассоциациясына сілтеме жасап.
28-29 шілдеде Қазақстанның бас қаласында грэпплингтен алғашқы Әлем кубогі ұйымдастырылады. Іс-шараның бастамашысы – ҚР грэпплинг ассоциацисы. Әлем кубогіне Ресей, Америка Құрама Штаттары, Бразилия, Қазақстан сияқты елдердіңкомандалары қатысады деп күтілуде. Кубок мачтық кездесу түрінде өтетін болады. Бір команда басқа бір командаға қарсы шығады.
Айта кетейік, грэпплинг – дзюдо, самбо, джиу-джитсу, еркін, грек-рим және басқа күрестің барлық стилін қамтитын жекпе-жектің түрі. Грэпплингтің артықшылығы – спортшылар екі секция бойынша күреседі.
