Акмаль Бахтияров молдовалық клубқа ауысуы мүмкін

Маусым айының соңында өз еркімен «Қайраттан» кетіп қалған Акмаль Бахтияров молдовалық клубта өнер көрсетуі мүмкін, деп хабарлайды Prosports.kz

«Қайратпен» 2019 жылдың 30 қарашасына дейін жарамды келісімшарты бар болғанына қарамастан футболшы өз еркімен кетіп қалды.

Құқықтарын қорғау үшін «Қайрат» Дауларды шешу Палатасына өтініш беруге мәжбүр болды. 24 шілдеде Дауларды шешу Палатасы (ПРС) ойыншыны дисквалификациялау және оған айыппұл салуға шешім қабылдады.

Бахтияровтың агенті Дмитрий Селюк Бахтияровтың молдовалық клубпен келісімшартқа отырғанын, ауысуына ҚФФ мен «Қайрат» қарсы екенін айтты.