Денис Теннің өліміне қуанған тұрғынға қарсы қылмыстық іс қозғалды

БҚО тұрғыны әлеуметтік желіде мәнерлеп сырғанаушы Денис Теннің қазасына қуануға шақырып, оны өлтірген күдіктілерді мақтағаны үшін заңмен жазалануы мүмкін.

Зеленовский ауданында тұратын, 1993 жылғы Байзенов Шерхан Бауыржанұлы әлеуметтік желіде халық арасына іріткі салатын жазба қалдырған.

Енді Шерханға қарсы ҚР Қылмыстық кодексінің 174-ші бабына сәйкес іс жүргізіледі: Әлеуметтiк, ұлттық, рулық, нәсiлдiк, тектік-топтық немесе дiни алауыздықты қоздыру.

Кейін бұл посттың авторы кешірім сұрап, бейнежазба жариялаған. Бірақ видеоға қарап, оның өкініш білдіргеніне сену қиын.