«Мен кез келген жағдайда ең әуелі қазақпын»

«Мен ең алдымен қазақпын. Не ойласам да, не істесем де, кез келген жағдайда қазақпын. Осында тудым. Осында өстім», – дейді Денис Kazakh-tv арнасына берген сұхбатында.

«Қаншалықты мықты болсаң да, қаншалықты табысты болсаң да, бірінші кезекте адамбыз. Өз өмірі бар адамбыз. Және бәріміз теңбіз. Өмір - өте нәзік ұғым. Ертең не боларын білмейсің. Патриотизм, Отанға деген махаббат, елге деген махаббат осындай қарапайым нәрселерден басталады», – дейді спортшы.

«Америкада жүргенде кинотеатрға барып көрмеппін. Диснейлендке де бармағам. Тек спортпен айналыстым. Бұл жаққа демалуға келген жоқпын. Оған уақытым да жоқ. Шынын айтсам, ниетім де жоқ. Өйткені Америкаға тек жаттығу үшін, өз ісін білетін мамандар үшін, жұмыс істейтін бапкерім үшін ғана келем», – дейді Денис.

13 маусым күні Денис 25 жасқа толды. Ол өзінің инстаграм ішкі жан толқынысын жазды.

«25 жыл бұрын дәл осы күні тудым. Ағам маған есмімімді қойған. Анам ес біле бастағанда көптеген үйірмелерге қатыстырды. Әкем отбасын асырады. Мен тек қамқорлықта өскен бала едім. Маған мүмкіндік бергендіктен конькимен сырғанадым. Музыкалық мектепке бардым. Маған берген барлық мүмкіндікті пайдаландым.

Мен өмірді сүйем. Ата-анамды жақсы көрем. Адамдарды жақсы көрем. Жақсы көргенді жақсы көрем. Осыны бәріне айтқым келеді. Анығында мен емес, бұл менің кейіпкерім. 25 жасымда әлемді басқаша қабылдай бастадым”, – деп жазған спортшы.