Кюрасао құрамасының шабуылшысы «Астанаға» ауысуы мүмкін

Нидерландтық паспорты бар 26 жастағы шабуылшы Ранджело Янг Қазақстан чемпионы - «Астананың» қатарына қосылуға жақын, деп хабарлайды prosports.kz сайты Voetbal Belgiе-ге сілтеме жасап.

Бельгиялық басылымдар «Гент» клубының ойыншысы саналатын Ранджело Янтің алдағы күндерде Қазақстан чемпионатына ауысатынын жазуда.

Өткен жарты жылда футболшы Словакияның «Тренчин» командасында доп тепті. Словакия чемпионатында он жеті матчқа қатысып, бес гол соқты.