Қазақстандық боксшылар «Алтын қолғап» жарысында бес алтын алды

Қазақстандық бес боксшы Сербияда жастар арасындағы Golden Glove of Vojvodina турнирінде жеңімпаз атанды.

Ерлер арасында Талғат Сырымбетов (52 кг) пен Арнұр Ахметжанов (91 кг) топ жарды. Азат Ассанов (69 кг) күміс медальға қол жеткізді.

Ал қыздар арасында құрамаға тағы үш алтын түсті: Надежда Рябец (75 кг), Гузаль Садықова (81 кг), Дина Исламбекова (+81 кг) финалда қарсыластарын сенімді ұтты.