«Сарыарқа» ХК сырт алаңда «Рубин» командасынан жеңілді
![«Сарыарқа» ХК сырт алаңда «Рубин» командасынан жеңілді](https://prosports.kz/upload/news/content/file_1386222583_492537586.jpg?v=28709415)
Қарағандылық «Сарыарқа» хоккей клубы сырт алаңда «Рубин» (Ресей, Тюмень) командасына жол берді.
Бұл ойында алаң иелерінің басымдығы барынша байқалды. Бірінші кезеңде олар екі бірдей шайба соқса, екінші кезеңде есеп айырмасын 3:0-ге дейін жеткізді. «Сарыарқа» тек үшінші кезеңде ғана оянғандай болды. Қарсыластар қақпасына екі мәрте қауіп төндірсе де таразы басын теңестіре алмады. Ал «Рубин» тағы бір шайбамен көзге түсті. Қорытынды есеп 4:2.
Айта кетер жайт, осы ойыннан кейін Жоғары хоккей лигасының жалпы турнир кестесінде «Сарыарқа» 47 ұпаймен 9-шы орынға сырғыды. Ал «Рубин» хоккей клубы «Қазцинк-Торпедоны» артқа тастап, 53 ұпаймен үшінші орынға көтерілді.