Бельгия құрамасы 16 гол соқты: Теледидар сатқан дүкен иесі клиенттердің ақшасын қайтаруға мәжбүр

Бельгиялық Krefel электронды техника дүкені клиенттеріне сатып алынған теледидарлардың ақшасын қайтарады. Осылайша дүкен әлем чемпионаты басталмас бұрын жанкүйерлерге берген уәдесін орындамақ. Мекеме бельгиялық құрама 15-тен аса гол соққан жағдайда, теледидарға кеткен ақшаны қайтаруға сөз берген.

Бұл туралы хабарлама Twitter-де пайда болды.

«Біз мұны жасадық! Біздің сайтандар Ресейдегі әлем чемпионатында 15-тен аса гол соқты. Бұл дегеніңіз, біз теледидар сатып алған мыңдаған клиентке ақшасын қайтарамыз”, — делінген хабарламада.

Дүкен акция жайлы мамыр айының ортасында хабарлаған болатын. Сатып алушылар кемі 55 дюймді теледидар сатып алуы тиіс-тін.

Айта кетейік, Бельгия құрамасы 14 шілде күні Англиямен кездесіп, үшінші орынды сарапқа салды. Ойынға дейін бельгиялықтардың қоржынында 14 гол бар болатын. Олар ағылшындарды 2:0 есебімен жеңіп, қола медальға ие болды.