Ресей-Хорватия кездесуіне болжам

Ресей жерінде жалауын көтерген Әлем біріншілігі жанкүйер қауымның жанарын жаулап алғаны сөзсіз.

Ғаламдық доданың топтық кезеңі аяқталып, плей-кезеңінің көрігі қызып жатыр. Анығын айтқанда Әлем біріншілігі бел ортасынан ауып кетті. Алда бар болғаны сегіз матч ғана қалды.

Кеше ширек финалдық кездесулер басталады. Бұл кезеңнің шымылдық түрер ойынында Уругвай мен Франция құрамалары кездесіп, еуропалық команда келесі кезеңге шықты. Ал одан кейін өткен Бельгия мен Бразилия кездесуінде де оңтүстік америкалықтардың жолы болмады. Осылайша, биылғы жартылай финалға тек еуропалық құрамалар жолдама алды.

Жартылай финлға жол ашатын соңғы жолдамаға алаң иелері мен Хорватия құрамасы таласады. Ресейдіктер өткен турда азулы Испанияны жеңіп, айды аспанға шығарды. Ал осы жолы Модрич бастаған Хорватия футболшыларынан өту үшін барын салмақшы.