Бельгия Неймар бастаған топты жеңіп, жартылай финалға жолдама алды
![Бельгия Неймар бастаған топты жеңіп, жартылай финалға жолдама алды](https://prosports.kz/upload/news/content/201017_75374f415b2bb02cbe006e3d4b237ac2.jpg?v=28660086)
Ресейде өтіп жатқан футболдан әлем чемпионатының ширек финалында Бразилия құрамасы Бельгиямен кездесті.
Матч Қазан қаласында өтті.
13-минутта еуропалықтар есепті ашты. Насер Шадлидің бұрыштамадан асырған пасы бразилиялық ойыншы Фернандиньоға тиіп, қақпадан бір-ақ шықты.
![](https://img.prosports.kz/news/content/201017_1392ca2d21e494192b7cfc09ee3b0f97.jpg)
31-минутта Бельгия үздігі Ромелу Лукаку бразилиялық қорғаушыларды алдап келіп, әріптесі Де Брюйнеге пас ұсынып, ол мүмкіндікті қалт жібермеді.
![](https://img.prosports.kz/news/content/201017_fc4183688e1d67a277acbeff60f42d35.jpg)
Кезекті бір шабуылда алаңға тыңнан шыққан Ренато Аугусто есеп айырмасын қысқартты.
![](https://img.prosports.kz/news/content/201017_f784bd63259245e9f8fc4d4679374a3e.jpg)
Осылайша, Бельгия құрамасы әлем чемпионатында жартылай финалда Франциямен кездесуге жолдама алды.
Әлем чемпионаты. 1/4 финал.
Бразилия - Бельгия - 1:2 (0:2)
Голдар: Фернандиньо АГ (0:1), Де Брейне (0:2), Аугусто (1:2)
Казань. «Казань Арена» стадионы, 7 шілде.