Зарина Диясқа жарақаты бөгет болды

Қазақстандық теннисші Зарина Дияс маусымда тізесінен алған жарақатына байланысты Уимблдон турнирінен шығып қалды.

Кейін спортшы Инстаграмдағы парақшасында қолдау көрсеткен жанкүйерлерге алғысын айтты.

«Өкінішке қарай, биыл менің ең сүйікті турнирім Уимблдонды тіземнің жарақатына байланысты жіберуге тура келді. Бұл турнирге дейін айығамын деп үміттенген едім, бірақ көбірек уақыт қажет болды. Қазір өзімді жақсырақ сезінемін. Хард маусымының басталғанын тағатсыздана күтіп жүрмін. Маған қолдау көрсетіп, сенім артқандарыңызға рақмет!», - деп жазды Зарина.