Швеция – Швейцария кездесуіне болжам

Ресей жерінде жалауын көтерген Әлем біріншілігі жанкүйер қауымның жанарын жаулап алғаны сөзсіз.

Ғаламдық доданың топтық кезеңі аяқталып, плей-кезеңінің көрігі қызып жатыр. Бүгін Е тобында екінші орын алған Швейцария футболшылары F тобынан бірінші орынмен шыққан Швециямен ширек финал жолдамасына таласады.

Шынын айтқанда, биылғы чемпионат фавориттердің бауша түскен жылы болды. Германия бастап, Аргентина, Испания, Португалия қостап еліне ерте қайтты. Осыған қарап матчтарға сенімді болжам жасаудың өзі қиын болып отыр. Алайда, бүгін терезесі тең қос құраманың ойыны қызыққа толы болады деп сеніммен айта аламыз.