Дычко қарсыласын бірінші раундта құлатты

Қазақстандық боксшы Иван Дычко Сент-Питерсбургтегі кәсіпқой бокс кешінде кезекті жекпе-жегін өткізді.

27 жастағы боксшы өзінің алтыншы жекпе-жегінде америкалық Майкл Марронемен жұдырықтасты. Дычконың салмағы – 108,7 кг. Ал оның қарсыласы 113,2 келіні көрсеткен болатын. Қазақстандық боксшы қарсыласын бірінші раундта нокаутқа түсіріп, жеңіске жетті.

Естеріңізге салсақ, Дычко өзінің соңғы жекпе-жегінде Стивен Кирнонды бірінші раундта нокаутқа түсірген болатын.