Жеңіл атлетика

Altay athletics спортшысы Ослодағы «Гауһар лигада» қола жүлдегер атанды

Altay athletics спортшысы Ослодағы «Гауһар лигада» қола жүлдегер атанды
news-banner7
mobile-news-top

Шығыс Қазақстан облысының Altay athletics кәсіби жеңіл атлетика клубының кениялық желаяғы Дэйзи Джипкемей Норвегия астанасы Ослода өткен «Гауһар лига» сайысының бесінші кезеңінде қола жүлдегер атанды.

Джипкемей 3000 метрге кедергілер арқылы жүгіруден қатысқан болатын. Жалпы, жарыс жолына 12 спортшы шықты. Ослоға бұл сайыс түрінен мықтылардың барлығы келген екен. 2017 жылғы әлем чемпионатының тұғырына көтерілген үштіктің бәрі бой көрсетті. Атап айтсақ, америкалық Эмма Кобурн мен Кортни Фрерикс және кениялық Хивин Киенг Джепкемой.

Ослода бірінші-екінші орынды Киенг Джепкемой мен Кобурн өзара бөлісті. Үштікті Altay athletics Дэйзи Джипкемей қорытындылады.

7 маусым. Осло. «Гауһар лига». Бесінші кезең. 3000 метрге кедергілер арқылы жүгіру.

Әйелдер:

1. Хивин Киенг Джепкемой (Кения) – 9:09.63 мин.

2. Эмма Кобурн (АҚШ) – 9:09.70 мин.

3. Дэйзи Джипкемей (Кения) – 9:16.87 мин.

Жалпы «Гауһар лиганың» 2018 жылғы маусымында 3000 метрге стипль-чезе стиліндегі сайыста жалпы есепте Киенг Джепкемой (16 ұпа) көш бастайды. Екінші орында Кобурн (12) болса, үштікте Джипкемей (8) келеді.

Келесі кезең 30 маусымда Парижде жалғасады.

Түпнұсқасы: kazathletics.kz Ошибка в тексте? Выделите и нажмите Ctrl+Enter
Пікірлер