Мемлекет басшысы теннисші Кәмила Керімбаеваны жеңісімен құттықтады

Мемлекет басшысы Нұрсұлтан Назарбаев Астанадағы ITF турнирінің жеңімпазы атанған Қазақстан теннисшісі Кәмила Керімбаеваны телефон арқылы құттықтады.

Бұл туралы Ақорданың баспасөз қызметінен хабарлады. 

Нұрсұлтан Назарбаев К.Керімбаеваны спорттағы маңызды жетістігімен құттықтап, оған жаңа жеңістер тіледі.

ITF сериясы жарыстарының әйелдер арасындағы турнирі Халықаралық теннистер қауымдастығының (WTA) тікелей қолдауына ие. Ол жас теннисшілердің келешекте WTA-ның ірі турнирлеріне қатысуы үшін өткізіледі.