«Барыс» әлем чемпионатының үздік сұрмергенімен келісімшартты ұзартты
Қазақстанның және әлемнің спорт жаңалықтарына жазылыңыз«Барыс» хоккей клубы сұрмерген Роман Старченкомен келісімшартты ұзартқанын хабарлады. 2 жылға біржақты келісім жасалды, деп жазады «SPORTINFORM» САА.
Роман Старченко - Барыстың құрамында ҚХЛ-дың бірінші маусымынан бастап 10 жылдан бері ойнап келе жатқан екі хоккейшінің бірі. Алдыңғы маусымда 32 жастағы сұрмерген тұрақты чемпионатта 39 матчқа қатысып, 20 (11+9) ұпай жинады. Жалпы ҚХЛ-дың есебінде Романның 515 матчтан 242 (139+103) ұпайы бар. 2018 жылы Будапеште өткен әлем чемпионатында Старченко турнирдің үздік сұрмергені атанып, 5 ойында 8 (6+2) ұпай жинаған.
