«Джиро д'Италия»: «Астана» велошабандозы бір сатыға жоғарылады
Қазақстанның және әлемнің спорт жаңалықтарына жазылыңыз«Астана» велокомандасының капитаны Мигель Анхель Лопес «Джиро д'Италия» көпкүндігінің жалпы есебінде бір саты жоғарлап, алтыншы орынға көтерілді, деп хабарлайды Prosports.kz 24.kz сайтына сілтеме жасап.
Қазақстандық команданың көшбасшысы 18-кезеңде мәреге 11-болып жетті. Қазір Мигель Анхель «қызғылт жейденің» иесі Саймон Йетстен 4 минут 54 секунд қалып келеді. «Астана» командасының тағы бір велошабандозы Пельо Бильбао кезеңді 17-орынмен аяқтап, жалпы есептегі сегізінші орнын сақтап қалды. 196 шақырымға созылған 18-кезеңде неміс жігіті Максимилиан Шахман жеңіске жетті. Бүгін «Джироның» 184 шақырымдық 19-кезеңі өтеді.