«Канелоның» промоутері Головкинмен реванш өтпеуі мүмкін екенін айтты
Қазақстанның және әлемнің спорт жаңалықтарына жазылыңызGolden Boy промоутерлік компаниясының бас директоры Оскар де ла Хойя қазақстандық Геннадий Головкин мен мексикалық Сауль «Канело» Альварестің екінші жекпе-жегін ұйымдастыру өздерінің басты мақсаты екенін, алайда GGG келісімшартқа қол қойғысы келмесе, қол қусырып қарап отырмайтынын ескертті.
- Әрине, Головкин мен «Канелоның» екінші жекпе-жегін бәріміз көргіміз келеді. Алайда егер олар келісімшартқа қол қоймаса, мен Дэниэл Джейкобспен немесе Билли Джо Сондерспен келіссөз жүргіземін. Дегенмен GGG-ге басымдық беріледі. «Канело» қыркүйекте жұдырықтасады, - деді Де ла Хойя Villainfy Media-ға берген сұқбатында.
Головкин — Альварес реваншы 15 қыркүйекте өтеді деп жоспарланып отыр.