Ресми: «Арсеналды» Унаи Эмери баптайтын болды

«Арсенал» футбол клубының бас бапкері қызметіне белгілі испаниялық маман Унаи Эмери тағайындалды, деп хабарлайды prosports.kz сайты.

Бұл туралы лондондық команданың баспасөз қызметі жазды.

Келісімшарт төрт жылға жасалып отыр. Осы аралықта Эмери «Эмирейтсте» өткізген әр жылы үшін 6 млн фунт стерлинг жалақы алатын болады.

46 жастағы маман жақында ғана франциялық ПСЖ командасындағы қызметінен босатылған еді.

Ал «Арсенал» футбол клубының бас бапкері Арсен Венгер де осы маусым аяқталған соң клубтан кеткен болатын.