Дмитрий Непогодов: Нәтиже бірінші кезекте тұрды
Қазақстанның және әлемнің спорт жаңалықтарына жазылыңыз«Тобыл» ФК қақпашысы Дмитрий Непогодов Шымкенттегі ойын туралы пікір білдірді. Бұл туралы клубтың баспасөз-қызметі жазды.
- «Ордабасыдан» басым түскен соң бірінші айналымды сенімді аяқтай алдық деп айтуға келе ме?
- Олай деп нақты айтуға болмас. Себебі, чемпионаттың үштен бір бөлігі ғана өтті, барлығы әлі алда. Біз жеңіске жеттік. бастысы осы.
- Саған алыстан бағытталған соққыларды қайтаруға тура келді. Бұл ойын қаншалықты қиынға соқты?
- Біздің қақпаға айтарлықтай қауіпті сәттер болған жоқ. Сол үшін де қорғаушыларға алғысым шексіз. Жігіттер алаңның әр тұсында допқа талас жүргізді. Тіпті, шабуылшылар да қорғанысқа көмек беріп отырды.
- Сеніңше, команда «Ордабасыға» қарсы қойылған тактиканы орындай алды ма? Немесе ойын барысында ол өзгерді ме?
- Ойында жеңіске жеттік, сол себепті бапкер тапсырмасы орындалды. Бұл кездесуде нәтиже бірінші кезекте тұрды.